ശിവരാത്രി
കുംഭ മാസത്തിലെ കൃഷ്ണപക്ഷത്തിലെ പതിമൂന്നാം രാത്രിയും പതിനാലാം പകലുമാണ് ശിവരാത്രി ആഘോഷിക്കുന്നത്. ശിവഭക്തർക്ക് വളരെ പ്രധാനപ്പെട്ട ഉത്സവമാണിത്. അതുകൊണ്ടുതന്നെ ഒരു ചെറിയ നോട്ട് എങ്കിലും എഴുതണമെന്ന് പാവം പ്രവാസിക്ക് തോന്നി.. .. കൂവളത്തിന്റെ ഇലകൾ ശിവന് അർപ്പിക്കുന്നതും ഉപവാസമനുഷ്ടിക്കുന്നതും രാത്രി ഉറക്കമിളക്കുന്നതുമൊക്കെയാണ് ഈ ദിവസത്തെ പ്രധാന ആചാരങ്ങൾ. ശിവലിംഗങ്ങളെ പാലും തേനുംകൊണ്ട് അഭിഷേകം ചെയത് അവയെ ആരാധിക്കുന്ന പതിവുമുണ്ട്.
. ചതുര്ദ്ദശി അര്ദ്ധരാത്രിയില് തട്ടുന്ന ദിവസമാണ് വ്രതമായി ആചരിക്കേണ്ടത്. രണ്ടു രാത്രികള്ക്ക് ചതുര്ദ്ദശീസംബന്ധം വന്നാല് ആദ്യത്തേത് എടുക്കണം. താപസന്മാര്ക്ക് പ്രധാനവും ശിവ പ്രതീകരവുമായ ഈ വ്രതം അതിശ്രേഷ്ഠമാണ്. പുരാണങ്ങളില് ശിവരാത്രിയുമായി ബന്ധപ്പെടുത്തി രണ്ട് ഐതീഹ്യങ്ങളുണ്ട്. പാലാഴി മഥനം നടത്തുംബോഴുണ്ടായ ഹലാലവിഷം ലോകരക്ഷയ്ക്കായി ശ്രീ മഹാദേവന് പാനം ചെയ്തു. ആ വിഷം ഭഗവാന് ബാധിക്കാതിരിക്കാന് ഏവരും ഉറങ്ങാതെ വ്രതം അനുഷ്ഠിച്ചു പ്രാര്ത്ഥിച്ചു. പരമശിവന് വിഷപാനം ചെയ്ത രാത്രിയാണ് ശിവരാത്രിയായി ആഘോഷിക്കുന്നത്. ഈ ദിവസം വ്രതമനുഷ്ഠിക്കാന് നിര്ദ്ദേശിച്ചത് ഭഗവാന് തന്നെയാണെന്ന് ഭക്തജനങ്ങള് വിശ്വസിക്കുന്നു. മറ്റൊരു ഐതീഹ്യം സൃഷ്ട്ടി , സ്ഥിതി ,സംഹാരം എന്നീ മൂന്നു ശക്തികളുടെയും പ്രതിരൂപമായ വി ഷ്ണുവിനേയും ശിവനേയും ബ്രഹ്മാവിനേയും ബന്ധപ്പെടുത്തിയാണ്. മഹാവിഷ്ണുവിന്റെ നാഭിയില് നിന്നും മുളച്ച് വന്ന താമരയില് ബ്രഹ്മാവ് ജന്മമെടുത്തു. വിശാലമായ ജലപ്പരപ്പില്ക്കൂടി സഞ്ചരിച്ച ബ്രഹ്മാവിന് വിഷ്ണുവിനെ മാത്രമേ കാണാന് കഴിഞ്ഞുള്ളു. നീ ആരാണ് എന്ന ചോദ്യത്തിന് നിന്റെ പിതാവായ വിഷ്ണു ആണ് ഞാന് എന്ന ഉത്തരം ബ്രഹ്മാവിന് തൃപ്തി നല്കിയില്ല. അവര് തമ്മില് യുദ്ധം ആരംഭിച്ചു.ഒരു ശിവലിംഗം അവര്ക്ക് മധ്യേ പ്രത്യക്ഷപ്പെട്ടു. അതിന്റെ മേലഗ്രവും കീഴഗ്രവും ദൃശ്യമായിരുന്നില്ല. അഗ്രങ്ങള് കണ്ട് പിടിക്കാന് ബ്രഹ്മാവ് മുകളിലേക്കും വിഷ്ണു താഴേക്കും സഞ്ചരിച്ചു. വളരെ സഞ്ചരിച്ചിട്ടും ഉദ്ദേശം ഫലിക്കാതെ രണ്ട് പേരും പൂര്വസ്ഥാനത്ത് വന്ന് നിന്നു. അപ്പോള് ശിവന് പ്രത്യക്ഷപ്പെട്ട് തന്റെ നിരതിശയമായ പ്രാധാന്യത്തെ അറിയിച്ചു.ശിവന് പ്രത്യക്ഷപ്പെട്ടത് മാഘമാസത്തിലെ കറുത്ത പക്ഷത്തില് ചതുര്ദശി രാത്രിയിലായിരുന്നു. മേലില് എല്ലാ വര്ഷവും ഈ രാത്രി ഒരു വ്രതമായി അനുഷ്ടിക്കണമെന്നും അതിന് ശിവരാത്രി വ്രതം എന്നായിരിക്കും പേരെന്നും ശിവന് അരുളിചെയ്തു. ഏതായാലും എല്ലാം ശിവഭക്തി തുടിക്കുന്നവതന്നെ ..അതിനാല് തന്നെ എല്ലാവര്ക്കും ഭക്തിയുടെ നിറവില് മഹാ ശിവരാത്രി ആശംസിക്കുന്നു നിങ്ങളുടെ സ്വന്തം പാവം പാവം പ്രവാസി..!!!